Diplomë Profesionale në programin e studimit 2-vjeçar në "Estetikë të Avancuar"

Ky program studimi ka si objektiv kualifikimin profesional në “Estetikë e Avancuar”, Niveli 5-të në KSHK, që përfshin formimin teorik dhe profesional të thelluar të studentit në fushën e estetikës zbukuruese/ kuruese/ relaksuese të trupit. Ky kualifikim pas dy vitesh studimi, realizon objektivat e programit dhe studenti është plotësisht i aftë për të punuar në Qendrat e bukurisë, si profesionist i kualifikuar në shkallën më të lartë. Ai është pajisur gjithashtu me aftësinë për të mësuar gjatë gjithë jetës njohuri dhe metoda inovative në fushën e Estetikës.

Studentët janë pajisur me njohuri të thelluara teorike dhe aplikative në fushën e estetikës, dhe përmirësimit të imazhit të femrës dhe të meshkujve. Studentët pajisen me njohuri të thelluara teorike dhe aplikative në fushën e estetikës, dhe përmirësimit të imazhit të femrave dhe të meshkujve. Kjo u realizua përmes orëve teorike dhe praktike të mjaftueshme për çdo lëndë, të cilat përmbushën qëllimin e përvetësimit të plotë të profesionit.

Objektiv tjetër i këtij programi është pajisja e studentëve me njohuritë/ praktikën për metodat më të fundit europiane dhe botërore në fushën e estetikës.

Përfundimi me sukses i kualifikimit profesional “Estetikë e Avancuar”, Niveli 5 në KSHK, e pajis studentin me certifikatën/ Diplomën e punonjësit të kualifikuar në këtë drejtim.